როგორც უკვე მოგახსენეთ, 22 იანვარს, მიუნხენის ბაიერნის ვინგერი, სერჟ გნაბრი პარიზში იმყოფებოდა, სადაც პარიზის მოდის კვირეულს დაესწრო.
ეს ყველაფერი კი იმის ფონზე, რომ ბაიერნს ორ დღეში კიოლნთან მატჩი ელოდა - საბოლოოდ, შეხვედრა ფრედ 1:1 დასრულდა.
ცოტა ხნის წინ, ამ თემაზე ჟურნალისტებთან ლეგენდარულმა ოლივერ კანმაც ისაუბრა:
"დიდი ხანია, გერმანულ ფეხბურთში ერთ-ერთი ყველაზე რთული პერიოდი გვიდგას... მსოფლიო ჩემპიონატზე კატასტროფული შედეგი მივიღეთ, ფეხბურთელებს საკმარისი არდადეგები მივეცით - ახლა ჩვენ ველით და მოვითხოვთ მათგან თამაშებზე კონცენტრაციას.
ვფიქრობ, გნაბრი ყველაფერს მიხვდა და ახლა ჩვენ მისგან იმ შესრულებას ვნახავთ, რასაც აქამდეც ველოდით", - განაცხადა კანმა.