გრავენბერხი ნაგელსმანის გადაწყვეტილებით იმედგაცრუებული დარჩა

ბუნდესლიგის მე-18 ტურის შეხვედრაში, მიუნხენის ბაიერნმა საკუთარ მოედანზე აინტრახტს უმასპინძლა და ფრედ, 1:1 ითამაშა.

მატჩის დაწყებამდე, ყველა მოელოდა, რომ ნაგელსმანი 20 წლის ნიდერლანდელს სასტარტო შემადგენლობაში დააყენებდა და თავის გამოჩენის საშუალებას პირველივე წუთებიდან მისცემდა, თუმცა გრავენბერხი მატჩში მხოლოდ 70-ე წუთზე, კინგსლი კომანის ნაცვლად ჩაერთო.

შეხვედრის დასრულების შემდეგ kicker-ის ჟურნალისტთან გაკეთებულ კომენტარში, გრავენბერხმა აღნიშნა, რომ იმედგაცრუებული დარჩა და სასტარტო შემადგენლობაში ყოფნას მოელოდა.

ცნობისთვის, ბოლო პერიოდში ინგლისურ და გერმანულ მედიაში აქტიურად იწერებოდა, რომ შესაძლო იყო, გრავენბერხი მიმდინარე იანვრის სატრანსფერო ფანჯრის პერიოდში, იჯარის წესით ლივერპულში ან რომელიმე სხვა ინგლისურ კლუბში განათხოვრებულიყო, თუმცა ბაიერნმა შესაძლო ტრანსფერი დაბლოკა.