ცოტა ხნის წინ, მიუნხენის ბაიერნმა ჟოაო კანსელო ოფიციალურად წარადგინა და პორტუგალიელი მცველის პირველი კომენტარიც მოვისმინეთ:
"ბაიერნი დიდებული კლუბია, მსოფლიოში ერთ-ერთი საუკეთესო და ჩემთვის დიდი მოტივაციაა ახლა ამ არაჩვეულებრივი ფეხბურთელების გვერდით ყოფნა.
ეს კლუბი კარგად ვიცი - ბაიერნი ტიტულებისთვის ცხოვრობს და მას ყოველწლიურად იგებს. მეც მოტივირებული და "მშიერი" ვარ. ბაიერნისთვის ყველაფერს გავაკეთებ", - განაცხადა კანსელომ.
ცნობისთვის, 28 წლის მცველი ბაიერნში იჯარის წესით ითამაშებს. გარდა ამისა, გარიგება იჯარის ამოწურვის შემდეგ ფეხბურთელის ყიდვის ვარიანტსაც მოიცავს და თუ ბაიერნი პორტუგალიელის შენარჩუნებას შეეცდება, მის სანაცვლოდ 70 მილიონი ევროს გადახდა მოუწევს.