ზაბიცერი ინგლისში შესაძლოა დღესვე გადავიდეს - ინტერესს 2 გრანდი იჩენს

მარსელ ზაბიცერი ინგლისში გადაბარგების ზღვარზეა - ინფორმაციას გერმანული მედია ავრცელებს.

28 წლის ნახევარმცველს დღეს გუნდთან ერთად არ უვარჯიშია. ერთ-ერთი წყაროს მტკიცებით, ზაბიცერმა ბაიერნის დატოვება სათამაშო დროის სიმცირის და კორნად ლაიმერის გარდაუვალი ტრანსფერის გამო გადაწყივტა.

პარალელურად, იწერება, რომ ზაბიცეირს დამატებისთვის ლონდონის ჩელსი და მანჩესტერ იუნაიტედი იბრძვიან, თუმცა გამოკვეთილი ფავორიტი მაინც იუნაიტედია.

წითელ ეშმაკებს კრისტიან ერიკსენი ტრავმირებული ჰყავთ და ტენ ჰააგი ზაბიცერს დანიელის ერთ-ერთ მთავარ შემცვლელად მოიაზრებს.

ცნობისთვის, ბაიერნი ამ ეტაპზე ორივე გუნდთან აწარმოებს მოლაპარაკებას და არ არის გამორიცხული, ტრანსფერი უახლოეს საათებში დაიხუროს.