ფრანგულ მედიაში გავრცელებული ინფორმაციის თანახმად, კილიან მბაპე ჩემპიონთა ლიგაზე პსჟს და ბაიერნს შორის გასამართ პირველ შეხვედრას გამოტოვებს.
აღნიშნულ ინფორმაციას რეკორდმაისტერის პრეზიდენტი, ჰერბეტ ჰაინერიც ეხმაურება:
"ვწუხვარ მის გამო. მბაპეს თამაშის ყურება ყოველთვის სასიამოვნოა. თუ ის არ ითამაშებს, პსჟ შედარებით სუსტი იქნება, მაგრამ ჩვენ ყველაფრისთვის მზად უნდა ვიყოთ", - განაცხადა ჰაინერმა.
ცნობისთვის, პსჟს და ბაიერნს შორის ჩემპიონთა ლიგის 1/8 ფინალური შეხვედრა 14 თებერვალს, თბილისის დროით 23:55 საათზე გაიმართება.