"მას დამოუკიდებლად შეუძლია თამაშის ბედი გადაწყვიტოს, ამიტომ...", - ნაგელსმანი კილიან მბაპეზე

ჩემპიონთა ლიგის 1/8 ფინალური ეტაპის პირველ შეხვედრაში ბაიერნი სტუმრად პსჟ-ს დაუპირისპირდა და მეტოქე კინგსი კომანის ერთადერთი გოლის
წყალობით დაამარცხა.

მატჩის დასრულების შემდეგ, რეკორდმაისტერის მთავარმა მწვრთნელმა პარიზელთა შემადგენლობიდან შეცვლაზე შემოსული კილიან მბაპე შეაქო და მასზე ისაუბრა:

"მბაპეს ნებისმიერი მატჩის შეცვლა დამოუკიდებლად შეუძლია. პსჟ-მ მაშინ გამოიღვიძა, როდესაც ის შემოვიდა მოედანზე. მბაპესთან ერთად ეს გუნდი უკეთესია, ვიდრე მის გარეშე, მაგრამ განმეორებით შეხვედრაში კარგად მოვემზადებით მასთან დაპირისპირებისთვის", - განაცხადა ნაგელსმანმა.