ბუნდესლიგის 23-ე ტურის შეხვედრაში მიუნხენის ბაიერნი სტუმრად შტუტგარტს დაუპირისპირდა, მეტოქე მინიმალური სხვაობით 1:2 დაამარცხა და სატურნირო ცხრილში ლიდერობა დაიბრუნა.
პირველი გოლი ბაიერნის მცველმა, მატიას დე ლიხტმა შორი მანძილიდან გაიტანა და უნდა აღინიშნოს, რომ ნიდერლანდელ მცველს ბოლო პერიოდში ძალიან აქვს მომატებული - სწორედ ამაზე ისაუბრა შეხვედრის დასრულების შემდეგ, ბაიერნის მთავარმა მწვრთნელმა:
"დე ლიხტს საოცარი განვითარება აქვს, განსაკუთრებით კი დაცვაში - ის უფრო მეტად აუმჯობესებს საკუთარ სამუშაოს დაცვაში.
ბედნიერი ვარ იმითაც, რომ გოლის გატანა მოახერხა. ის ყოველთვის მუშაოაბდა ამაზე ვარჯიშებზე და მუდამ გატანას ცდილობს. როდესაც დე ლიხტი პირველად შემოგვიერთდა, ფიზიკურად 100%-ით მზად არ იყო, თუმცა ახლა სრულ მზადყოფნაშია, რადგან ძალიან ბევრს მუშაობდა", - განაცხადა ნაგელსმანმა.