მანჩესტერ სიტიდან 6-თვიანი იჯარით გადმოსული ჟოაო კანსელო ბაიერნში არსებული სიტუაციით უკმაყოფილოა - ინფორმაციას ადგილობრივი გამოცემები ავრცელებენ.
მათი მტკიცებით, 28 წლის პორტუგალიელი მცველი ნაკლები სათამაშო დროის გამო იმედგაცრუებულია.
ჩემპიონთა ლიგაზე, პსჟ-ს დამარცხების შემდეგ, კანსელოზე კომენტარი რეკორდმაისტერის დირექტორმა, ჰასან სალიჰამიჯიჩმა გააკეთა და აღნიშნა, რომ პორტუგალიელი გუნდის მნიშვნელოვან მოთამაშედ რჩება.
"ჟოაო ჩვენთვის კვლავ ძალიან მნიშვნელოვან მოთამაშედ რჩება. ის არ თამაშობს და არ ვარჯიშობს ისე, როგორც ეს ბოლო პერიოდში წარმოედგინა. მასთან კარგი კომუნიკაცია გვაქვს, ის გამორჩეული მოთამაშეა, რომელიც მნიშვნელოვან იქნება", - განაცხადა სალიჰამიჯიჩმა.
შეგახსენებთ, კანსელო პსჟ-სთან მატჩში მხოლოდ 86-ე წუთზე გამოვიდა მოედანზე და სულ რაღაც 3 წუთში, სერჟ გნაბრის საგოლე გადაცემა გაუკეთა.