გერმანიის ნაკრებმა შეკრება უკვე დაიწყო და მარტში გასამართი ამხანაგური მატჩებისთვის აქტიურად ემზადება.
ჰანს ფლიკის გუნდი ორ შეხვედრას გამართავს, გერმანელები ჯერ 25 მარტს პერუს დაუპირისპირდებიან - აღნიშნული შეხვედრა თბილისის დროით 23:45 საათზე დაიწყება.
ხოლო მეორე შეხვედრაში ფლიკის გუნდი ბელგიის ნაკრებს 28 მარტს, თბილისის დროით 22:45 საათზე დაუპირისპირდება.
ორივე შეხვედრას გერმანიის ნაკრები შინ ჩაატარებს.