კობელის პირველი კომენტარი ბაიერნთან დაშვებულ უხეშ შეცდომაზე

ბუნდესლიგის 26-ე ტურის შეხვედრაში, მიუნხენის ბაიერნამ საკუთარ მოედანზე დორტმუნდს უმასპინძლა და მეტოქე 4:2 დაამარცხა.

აღნიშნული შეხვედრის საუკეთესო მოთამაშე Sofascore.com-ის ვერსიით დუბლის ავტორი ტომას მიულერი გახდა, რომელმაც შეფასების სახით 9.4 ქულა დაიმსახურა, რაც შეეხება ყველაზე დაბალ შეფასებას, ის სტუმართა გუნდის მეკარემ გრეგორ კობელმა (5.8) მიიღო, რომელმაც არაერთი უხეში შეცდომა დაუშვა.

მატჩის შემდეგ, დაშვებულ შეცდომებზე კობელმა ჟურნალისტებთან ისაუბრა:

"არ ვიცი როგორ გავიდა ბურთი, ეს ძალიან ძალიან უსიამოვნო მომენტი იყო. ფეხბურთში ყოველთვის შეიძლება ცუდი თამაში ჩაატარო, არის ხოლმე ასეთი დაწყევილი დღეებიც და დღეს სწორედ ეს დღე იყო. კარიდან გამოსვლით სწორი გადაწყვეტილება მივიღე, უბრალოდ ბურთს ვერ დავარტყი და ეს როგორ მოხდა, წარმოდგენა არ მაქვს...", - განაცხადა კობელმა.