გუშინ, გერმანიის თასის 1/4 ფინალში მიუნხენის ბაიერნმა საკუთარ მოედანზე ფრაიბურგს უმასპინძლა და დრამატულ ბრძოლაში, 1:2 დამარცხდა.
თასიდან გამოვარდნაზე კომენტარი რეკორდმაისტერის ახალმა მთავარმა მწვრთნელმა, ტომას ტუხელმა გააკეთა და მარცხი საკუთარ თავზე აიღო.
"ფრაიბურგმა ორი დარტყმიდან ორივე გაგვიტანა, მათი სხვა რეალური შანსი პირადად მე არ მახსენდება. კარგი მომენტები გვქონდა, მაგრამ ყოველთვის რაღაცას ვაკლებდით, ხან ბოლო პასს, ხან სწორი გადაწყვეტილების მიღებას, ხან სიზუსტეს. მეტოქე თავს ძალიან ღრმად იცავდა, რაც მათზე ზეწოლას უფრო რთულს ხდიდა.
საბოლოო ჯამში, დამარცხებას მხოლოდ საკუთარ თავებს ვაბრალებთ. 1/4 ფინალიდან საკუთარ მოედანზე გამოვარდნა რა თქმა უნდა დიდი იმედგაცრუებაა.
ცხადია, ჩვენ (სამწვრთნელი შტაბს) დიდი დრო არ გვქონია მოსამზადებლად, მაგრამ მე ვარ პასუხისმგებელი მარცხზე. ახლა უნდა გავაანალიზოთ რა მოხდა არასწორად და შაბათისთვის მოვემზადოთ, საქმეები გრძელდება", - განაცხადა ტუხელმა.
შეგახსენებთ, შაბათს ბუნდესლიგის 27-ე ტურის შეხვედრაში ტომას ტუხელი გუნდის კვლავ ფრაიბურგს, ამჯერად გასვლაზე დაუპირისპირდება.