მიუნხენის ბაიერნის ნიდერლანდელმა შუახაზელმა, რაიან გრავენბერხმა კლუბში მის როლზე და სამომავლო გეგმებზე ისაუბრა.
"დაველოდები სიტუაციის განვითარებას - ერთი წლის განმავლობაში უმაღლეს დონეზე ვარჯიში და თამაში მშვენიერი სასწავლო პროცესია, თუმცა ეს ძირითადად მაინც ვარჯიშს მოიცავდა.
მომავალ სეზონში ეს უნდა შეიცვალოს, ძალიან მინდა ყოველ კვირა თამაში და ჩემი მთავარი მიზანიც მომავალ სეზონში ეს იქნება.
კლუბის ხელმძღვანელობასთან ჯერ არ მისაუბრია, ასე რომ, უბრალოდ დაველოდები სიტუაციის განვითარებას, მაგრამ ცხადია, რომ ეს როლი რაც ახლა მაქვს კლუბში ჩემს მოლოდინებს არ შეესაბამება", - განაცხადა 20 წლის მოთამაშემ.