დატოვებს თუ არა გნაბრი ბაიერნს? - კლუბის "ინსაიდერი" 27 წლის ვინგერის მომავალზე წერს

Sky Sports-ის ჟურნალისტი და ბაიერნის ინსაიდერი ფლორიან პლეტენბერგი სერჟ გნაბრის მომავალთან დაკავშირებით წერს და აღნიშნავს, რომ არ არის გამორიცხული კარგი შეთავაზების შემთხვევაში, ბაიერნმა გერმანელი ვინგერი გუნდიდან გაუშვას.

მისივე ცნობით, ბაიერნი ამ ზაფხულს სერჟ გნაბრისთვის შემოთავაზებულ წინადადებებს განიხილავს, ამის ფონზე კი ფეხბურთელს საკუთარ მომავალთან დაკავშირებით ჯერ კონკრეტული გადაწყვეტილება მიღებული არ აქვს. 27 წლის ვინგერი მიუნხენში ყოფნით უკმაყოფილო არ არის - ის ბაიერნის ერთ-ერთი ყველაზე მაღალშემოსავლიანი მოთამაშეა და კლუბის შიგნით დიდ პატვის სცემენ.

ცნობისთვის, ბაიერნსა და გნაბრის შორის არსებულ ხელშეკრულებას ვადა 2026 წლის ზაფხულში გასდის, გერმანულ Transfermarkt-ს კი ფეხბურთელი 55 მილიონ ევროდ ჰყავს შეფასებული.