როდის დაუბრუნდება ჩუპო მოტინგი მოედანს? - ტომას ტუხელის კომენტარი ჟურნალისტებს

ბუნდესლიგის 30-ე ტურის შეხვედრაში ბაიერნმა ჰერტას უმასპინძლა და 2:0 დაამარცხა - ამ გამარჯვებით, ტომას ტუხელის გუნდმა გერმანიის ჩემპიონატში პირველობა დაიბრუნდა.

მოგეხსენებათ, მიუნხენის ბაიერნის კამერუნელი ფორვარდი, ერიკ მაქსიმ ჩუპო-მოტინგი ბოლო პერიოდში ტრავმიანობას უჩივის და გუნდს ძველებურად ვეღარ ეხმარება - გამონაკლისი არც ეს შეხვედრა ყოფილა.

34 წლის ფორვარდის შესაძლო დაბრუნებაზე ჟურნალისტებთან ტომას ტუხელმა ისაუბრა და წინასწარი პროგნოზისგან თავი შეიკავა.

"ჩუპო ჯერ არ ვარჯიშობს და ვერანაირ პროგნოზს ვერ გავაკეთებ. არ ვიცი, როგორ რეაგირებს მისი მუხლი და როდის გაუქრება ტკივილი. ჩვენ არ გვინდა ასეთი სიტუაცია: როდესაც ჩუპო ცოტას თამაშობს, შემდეგ კი კვლავ ტრავმირებულია", - განაცხადა ტუხელმა.