"მედია ფეხბურთელებს ზედმეტად აკრიტიკებს", - გორეცკამ ჰერტასთან მატჩის შემდეგ ჟურნალისტებს შეუტია

ბუნდესლიგის 30-ე ტურის შეხვედრაში ბაიერნმა ჰერტას უმასპინძლა და 2:0 დაამარცხა - ამ გამარჯვებით, ტომას ტუხელის გუნდმა გერმანიის ჩემპიონატში პირველობა დაიბრუნდა.

მატჩის დასრულების შემდეგ, ჟურნალისტებთან რეკორდმაისტერის შუახაზელმა, ლეონ გორეცკამ ისაუბრა და მედია გაარიტიკა.

"საერთო ჯამში, კლუბში დიდი ხმაურია ატეხილი. მოთამაშეებს მედია ანადგურებს, რაც ცხადია თამაშში საერთოდ არ გვეხმარება. როგორც მოთამაშეებს, მსგავს სიტუაციებთან შეგუება გვიწევს. სწორია თუ არა ეს? ამას მნიშვნელობა ნამდვილად არ აქვს, უბრალოდ ეს ლამაზი არარის.

აქ საკმარისად დიდი ხანია ვართ და ვიცით, რომ ეს ყოველივე ფეხბურთის ნაწილია - ამიტომაც პასუხები მოედანზე უნდა გავცეთ.

ვფიქრობ, ზოგიერთმა მოთამაშემ იმაზე მეტი კრიტიკა მიიღო ბოლო რამდენიმე კვირის განმავლობაში, ვიდრე იმსახურებდა, მაგრამ არაუშავს, პასუხებს მოედანზე გავცემთ - სხვა გამოსავალი არ არის და ეს უკვე ყველამ კარგად გავითავისეთ", - განაცხადა გორეცკამ.