მოგეხსენებათ, სადიო მანეს ბაიერნში ტრანსფერი ამ დრომდე წარუმატებელია და სენეგალელმა შემტევმა მიუნხენურ გრანდს ფეხი ვერა და ვერ აუწყო.
სწორედ ამიტომ, არ არის გამორიცხული კარგი შემოთავაზების შემთხვევაში, ბაიერნმა 31 წლის შემტევი გუნდიდან გაუშვას.
მედიაში გავრცელებული ინფორმაციის თანახმად, მანეს გადაბირებით რამდენიმე კლუბი უკვე დაინტერესდა, ყველაზე სერიოზულ ინტერესს კი ნიუკასლი იჩენს, რომელიც ჩემპიონთა ლიგაზე მოხვედრისთვის იბრძვის.
ცნობისთვის, მანეს ბაიერნთან არსებული კონტრაქტი 2025 წლამდე აკავშირებს, გერმანულ Transfermarkt-ს კი ფეხბურთელი 45 მილიონ ევროდ ჰყავს შეფასებული.