ბაიერნში კუთხურების ჩამწოდებელი იცვლება? ტუხელი 2 ვარიანტს განიხილავს

ბაიერნმა ამ სეეზონში 215 კუთხურიდან გოლის გატანა მხოლოდ 7 შემთხვევაში მოახერხა, რითაც წარმატების საშუალო მაჩვენებელი 3.3% უტოლდება. როგორც ჩანს, ბაიერნს გოლის გასატანად საშუალოდ 30,7 კუთხური სჭირდება, მსგავსი ცუდი მაჩვენებელის ფონზე კი გერმანული გამოცემები წერენ, რომ ტომას ტუხელი და მისი ახალი ასისტენტი ჩამწოდებლის შეცვლაზე ფიქრობენ.

აღნიშნულზე კომენტარი მიუნხენის ბაიერნის ყოფილმა ნახევარმცველმა მარიო ბასლერმაც  გააკეთა: 

"მაინტერესებს კიდევ რამდენ ხანს ჩააწოდებინებენ კიმიხს ორივე ფლანგიდან კუთხურებს. ბაიერნის კუთხურები სრული იმედგაცრუებაა, არადა საჯარიმოში საკმარისად კარგი თავით მოთამაშე ფეხბურთელები არიან: დე ლიხტი, პავარი, გორეცკა და სხვები", - განაცხადა ბასლერმა.

kicker-ის მტკიცებით, სამომავლოდ კუთხურის შემსრულებლები შესაძლოა ჟოაო კანსელო ან ლეროი სანე გახდნენ.