რა ბედი ელის ჟოაო კანსელოს? - სალიჰამიჯიჩმა პორტუგალიელის მომავალზე ისაუბრა

მოგეხსენებათ, იანვრის სატრანსფერო ფანჯრის პერიოდში, მიუნხენის ბაიერნმა მანჩესტერ სიტიდან 6-თვიანი იჯარის წესით პორტუგალიელი მცველი ჟოაო კანსელო დაიმატა.

თავიდან, მიუნხენში ჟოაოთ უკმაყოფილონი იყვნენ, მაგრამ 28 წლის მცველმა ბოლო მატჩებში ყველა კითხვის ნიშანი გააქრო და რეკორდმაისტერს მისი გამოსყიდვისკენ უბიძგა, თუმცა საქმე იმაშია, რომ მანჩესტერ სიტი კანსელოს ნაცვლად 70 მილიონ ევროს ითხოვს, ეს კი ბაიერნისთვის სერიოზული თანხაა.

28 წლის პორტუგალიელი მცველის მომავალზე კომენტარი რეკორდმაისტერის დირექტორმა, ჰასან სალიჰამიჯიჩმაც გააკეთა:

"კანსელო შალკესთან მატჩშიც ძალიან კარგი იყო. ის ტოპ ფეხბურთელია და მისი ტექნკური თვისებების ყურება ნამდვილად სასიამოვნოა თვალისთვის.

მოხარული ვართ, რომ ის ჩვენთანაა - ჯერჯერობით მის მომავალთან დაკავშირებით საბოლოო გადაწყვეტილება არ მიგვიღია, ამას სეზონის დასრულების შემდეგ დავსხდებით და გადავწყვეტთ", - განაცხადა სალიჰამიჯიჩმა.