გამოისყიდის თუ არა ბაიერნი კანსელოს? - რა ინფორმაციას ავრცელებს კლუბის ინსაიდერი

მოგეხსენებათ, იანვრის სატრანსფერო ფანჯრის პერიოდში, მიუნხენის ბაიერნმა მანჩესტერ სიტიდან 6-თვიანი იჯარის წესით პორტუგალიელი მცველი ჟოაო კანსელო დაიმატა.

თავიდან, მიუნხენში ჟოაოთ უკმაყოფილონი იყვნენ, მაგრამ 28 წლის მცველმა ბოლო მატჩებში ყველა კითხვის ნიშანი გააქრო და რეკორდმაისტერს მისი გამოსყიდვისკენ უბიძგა, თუმცა საქმე იმაშია, რომ მანჩესტერ სიტი კანსელოს ნაცვლად 70 მილიონ ევროს ითხოვს, ეს კი ბაიერნისთვის სერიოზული თანხაა.

კანსელოს მომავალზე კლუბის ინსაიდერი და Sky Sports-ის ჟურნალისტი, ფლორიან პლეტენბერგიც წერს:

"ამჟამინდელი სიტუაციით, ბაიერნი ჟოაო კანსელოს ტრანსფერის სახით არ გაიფორმებს, რადგან პორტუგალიელი ძალიან ძვირია და ნაკლებად სავარაუდოა, რომ გერმანულმა გრანდმა მასში ამხელა თანხა გადაიხადოს.

თავად კანსელოც ელის, რომ ამ ზაფხულს ბაიერნს დატოვებს", - წერს პლეტენბერგი.