ტუხელი სერბი ფორვარდის დიდი გულშემატკივარია - ხელმძღვანელობას ამ ტრანსფერის არ სჯერა

გერმანული გამოცემების მტკიცებით, ტუხელი დუშან ვლაჰოვიჩის დიდი გულშემატკივარია და მას გამოკვეთილი ფორვარდის პოზიციაზე პრობლემის გადაჭრის ვარიანტად ხედავს.

მიუხედავად ტუხელის სურვილისა, კლუბი არ არის დარწმუნებული და არ სჯერა, რომ ფეხბურთელში დიდი თანხის გადახდა ღირს - ამ მომენტისთვის არც კონკრეტული კონტრაქტი ან შეთავაზება არ მზადდება.

როგორც ირკვევა, ვლაჰოვიჩი სათადარიგო გეგმაა - თუ ბაიერნი მთავარ სამიზნეებთან (კოლო მუანთან, ჰარი კეინთან და ხულიან ალვარესთან) შეთანხებას ვერ მიაღწევს, მხოლოდ ამის შემდეგ დაიწყებს რეკორდმაისტერი 23 წლის შემტევზე მუშაობას.

ცნობისთვის, ვლაჰოვიჩმა სერია A-ს მიმდინარე სეზონში 27 მატჩში მიიღო მონაწილეობა და თავის გამოჩენა 10 გოლითა და 2 საგოლე გადაცემით მოახერხა - გერმანულ Transfermarkt-ს ახალგაზრდა ფორვარდი 75 მილიონ ევროდ ჰყავს შეფასებული.