ჩემპიონი ბოლო ტურში გაირკვევა - კლოპის პროგნოზი ბუნდესლიგის პოტენციურ ჩემპიონებზე

მოგეხსენებათ, გერმანიაში ჩემპიონის ვინაობა ბოლო ტურში, შაბათს, 27 მაისს გაირკვევა - ბაიერნი გასვლაზე კიოლნს დაუპირისპირდება, ჩემპიონატის ლიდერი დორტმუნდი კი საკუთარ მოედანზეც მაინცს უმასპინძლებს.

აღნიშნულ მატჩებამდე ერთი დღით ადრე, გერმანიის ჩემპიონატის ფინალურ ეტაპზე კომენტარი იურგენ კლოპმაც გააკეთა და იმედი გამოთქვა, რომ დორტმუნდი ნანატრ ჩემპიონობას მოიპოვებს.

"ცოტას ვნერვიულობ, მაგრამ დიდი იმედი მაქვს, რომ დორტმუნდი მოიგებს ბუნდესლიგას. ვიცი თუ რას ნიშნავს ეს ამ ქალაქისთვის და ზოგადად - არ არის სახალისო, თუ ერთი და იგივე გუნდი იმარჯვებს ყოველთვის", - განაცხადა კლოპმა.