მუსიალას პირველი კომენტარი საჩემპიონო გოლზე და ემოციებზე

ბუნდესლიგის 34-ე ტური ძალიან დრამატული გამოდგა - ბაიერნმა ძალიან დრამატულ ბრძოლაში მოახერხა და ჩემპიონობა ბოლო წუთებზე მოიპოვა. ტუხელის გუნდმა კიოლნი გასვლაზე 1-2 დაამარცხა, პარალელურ შეხვედრაში კი დორტმუნდმა საკუთარ მოედანზე მაინცს ვერ მოუგო (2:2).

ბაიერნის გამარჯვებაში უდიდესი როლი გუნდის 20 წლის შემტევმა, ჯამალ მუსიალამ ითამაშა, რომელმაც რეკორდმაისტერი ბოლო წუთებზე დააწინაურა.

"გოლის გატანა წარმოუდგენელი მომენტი იყო, ამაზე არ მიფიქრია, უბრალოდ ავღნიშნე, ცოტა დრო დამჭირდა ყველაფრის გასაანალიზებლად.

დასაკარგი არაფერი გვქონდა როცა მოედანზე შემოვედი - სეზონი ჩვენი სტანდარტებით რომ შევაფასოთ, კარგი არ ყოფილა და ეს კარგად ვიცით, ასევე ვიცით, რომ უკეთესები ვიქნებით, მაგრამ ახლა ბედნიერების დროა", - განაცხადა მუსიალამ ჟურნალისტებთან საუბრისას.