"რეალი დევისის წარმომადგენლებს 2-ჯერ ესაუბრა", - რა ეტაპზეა ფონზის სამეფო კლუბში ტრანსფერი?

ესპანური გამოცემა marca-ს მტკიცებით, მადრიდის რეალი ალფონსო დევისის თაობაზე მიუნხენის ბაიერნს დაუკავშირდა და ფეხბურთელის ინფორმაცია გამოითხოვა.

ასევე ცნობილი გახდა ისიც, რომ რეალ მადრიდის წარმომადგენლები მიუნხენში ოფიციალური ვიზიტით უკვე ორჯერ იმყოფებოდნენ, რათა ფეხბურთელის წარმომადგენლებს გასაუბრებოდნენ.

ამ ეტაპზე მეტი კონკრეტული არაფერია ცნობილი, მაგრამ ფაქტია, რომ სამეფო კლუბი 22 წლის კანადელი მცველის შეძენას ამ ზაფხულშივე აპირებს.

ცნობისთვის, ალფონსო დევისსა და ბაიერნს შორის არსებულ კონტრაქტს ვადა 2025 წლის ივნისში გასდის.