მიუნხენის ბაიერნის პრეზიდენტმა, გუნდის მთავარ მწვრთნელზე, ტომას ტუხელზე ისაუბრა და გერმანელი სპეციალისტი შეაქო.
"მოხარულები ვართ, რომ მასთან კონტრაქტი კიდევ გვაკავშირებს. ტომას ტუხელი სწორედ ის მწვრთნელია, რომელიც ბაიერნს სჭირდება, განსაკუთრებით ამ სიტუაციაში. მან უკვე გაიარა რთული გამოწვევები და გამოცდილებაც მიიღო პსჟ-სა და ლონდონის ჩელსიში.
ტუხელის გამოცდილება და კომპეტენცია მისი ერთ-ერთი მთავარი პლიუსია. ახლა მან მოახერხა და ჩვენთან ერთად გერმანიის ჩემპიონობა მოიპოვა და ვფიქრობ, რომ ერთად წინ კიდევ ბევრი რამ გველოდება", - განაცხადა ჰაინერმა.