"ამ გუნდისთვის და ფანებისთვის ყველაფერს გავაკეთებ", - ლაიმერის პირველი კომენტარი ბაიერნში ტრანსფერის შემდეგ

მოგეხსენებათ, ლაიმერის ბაიერნში ტრანსფერი ჯერ კიდევ ზამთარში გადაწყდა, თუმცა მხარეებმა ტრანსფერი ოფიციალურად დღეს გამოაცხადეს.

26 წლის შუახაზელმა გაოფიციალურებიდან მალევე მედიასთან პირველი კომენტარიც გააკეთა.

"ვარჯიშის პირველი დღიდანვე ჩემი შესაძლებლობების 100%-ს გავიღებ, ამ შანს დიდი ხანია ველოდები. ჩემთვის ეს ოცნების ახდენასავითაა - ბაიერნი ერთ-ერთი უდიდესი კლუბია მსოფლიოში. ყველაფერს გავიღებ ამ კლუბისთვის და გულშემატკივრებისთვის.

ბაიერნს ყოველთვის აქვს უმაღლესი მიზნები, ისევე როგორც მე, სწორედ ამიტომ ვთვლი, რომ სწორ ადგილას ვარ", - განაცხადა ლაიმერმა.

ცნობისთვის, ბაიერნმა ავსტრიელი ნახევარმცველი ლაიპციგიდან, თავისუფალი აგენტის სტატუსით დაიმატა.