საბოლოო გადაწყვეტილება კლუბს დღეს გააცნო - ერნანდესსმა საკუთარი მომავალი უკვე დაგეგმა

როგორც უკვე მოგახსენეთ, ლუკას ერნანდესის ბაიერნიდან წასვლის ალბათობა მაღალია - ფრანგი მცველი რამდენიმე კვირის წინ ის ახლოს იყო პსჟ-სთან კონტრაქტის გაფორმებასთან, მაგრამ მოლაპარაკებები დროებით დაპაზუდა.

ბაიერნის ინსაიდერი და Sky Sports-ის ჟურნალისტი, ფლორიან პლეტენბერგი ირწმუნება, რომ დღეს ერნანდესსა და კლუბის წარმომადგენლებს შორის შეხვედრა შედგა, სადაც 27 წლის მცველმა ხელმძღვანელობას განუცხადა, რომ ბაიერნის დატოვება ამ ზაფხულშივე სურს, რათა პსჟ-ს შეუერთდეს.

უკვე გადაწყვეტილი ამბავია, რომ ერნანდესი ბაიერნთან კონტრაქტს არ გაახაგრძლივებს, თავის მხრივ კი რეკორდმაისტერი ფეხბურთელის სანაცვლოდ მინიმუმ 60 მილიონი ევროს მიღებას გეგმავს.

ერნანდესსა და ბაიერნს შორის არსებულ კონტრაქტს ვადა 2024 წლის ზაფხულში გასდის და ამის შემდეგ ლუკასს კლუბის დატოვება თავისუფალი აგენტის სტატუსით, უფასოდაც შეეძლება.