მოგეხსენებათ, იოზუა კიმიხის ბარსელონაში შესაძლო ტრანსფერზე ბოლო პერიოდში ბევრი იწერებოდა - აღნიშნულ საკითხს კატალონიელთა მთავარი მწვრთნელი, ჩავი ერნანდესიც გამოეხმაურა და კიმიხთან შეხვედრის დეტალები გაიხსენა.
ჩავის ამ განცხადებას ბაიერნის პრეზიდენტმა ჰერბეტ ჰაინერმა უპასუხა:
"პირველ რიგში, მინდა ავღნიშნო, რომ ჩავი იყო შესანიშნავი ფეხბურთელი და მე დიდ პატივს ვცემ ბარსელონას, მაგრამ არ მესმის რატომ ეფლირტავებიან ისინი ასე ღიად ჩვენს ფეხბურთელებს. ამით შეურაცხყოფას გვაყენებენ.
იოზუა არის ლიდერი და ჩვენი გუნდის მნიშვნელოვანი წევრი, რომელმაც ჩვენთან ერთად ბევრი ტიტული მოიგო და ასეც გაგრძელდება სამომავლოდ. ის მტკიცედ არის ჩვენს სამომავლო გეგმებში და ერთ-ერთი იმ მოთამაშეთაგანია, რომლის გარშემოც გუნდი აშენდება", - განაცხადა ჰაინერმა.