მოგეხსენებათ, მიუნხენის ბაიერნის ავსტრიელმა შუახაზელმა მარსელ ზაბიცერმა სეზონის მეორე ნახევარი იჯარის წესით მანჩესტერ იუნაიტედში გაატარა.
ინგლისელები ზაბიცერით კმაყოფილები დარჩნენ, თუმცა 29 წლის ფეხბურთელის გამოსყიდვის გადაწყვეტილება მაინც არ მიიღეს, რაც იმას ნიშნავს, რომ ზაბიცერი ბაიერნში დაბრუნდება.
თავის მხრივ, ბაიერნი მზადაა, თუ ზაბიცერს წასვლას მოუნდება ავსტრიელი 15 მილიონი ევროს სანაცვლოდ სასურველ კლუბში გაუშვას.