მოგეხსენებათ, მიუნხენის ბაიერნმა კიმ მინ ჯეს ტრანსფერი უკვე შეათანხმა, და უდიდესი ალბათობით სამხრეთ კორეელი მცველი მომდევნო სეზონს ტომას ტუხელის გუნდში გაატარებს.
კლუბის ინსაიდერი და Sky Sports-ის ჟურნალისტი, ფლორიან პლეტენბერგი ირწმუნება, რომ ბოლო რამდენიმე საათის განმავლობაში რეკორდმაისტერის ექიმები სამხრეთ კორეაში იმყოფებოდნენ - დღეს გახდა ცნობილი, რომ კორეელმა მცველმა სამედიცინო შემოწმების პირველი ნაწილი წარმატებით გაიარა, მეორე ნაწილს კი საბოლოოდ უახლოეს დღეებში გაივლის.
26 წლის მცველს სამხედრო წვრთნის დასრულების შემდეგ რამდენიმე დღიანი შვებულება ექნება - ბაიერნი აპირებს, რომ ფეხბურთელი აზიის ტურნემდე ცოტა ხნით ადრე ჩამოიყვანოს და მოგვიანებით, გუნდთან ერთად ტოკიოში (24 ივლისს) გაემგზავრება.