"ამ კლუბმა გამზარდა როგორც ადამიანი და ფეხბურთელი" - ერნანდესი ბაიერნს ემოციურად დაემშვიდობა (ფოტო)

მოგეხსენებათ, მიუნხენის ბაიერნის აწ უკვე ყოფილი მცველი, ლუკას ერნანდესის ფრანგულ პსჟ-ს ოფიციალურად შეუერთდა.

სამშობლოში დაბრუნებამდე ერნანდესმა სოციალურ ქსელში ვრცელი პოსტი გამოაქვეყნა, სადაც ბაიერნის გულშემატკივრებს ემოციურად დაემშვიდობა:

"ძვირფასო მიუნხენის ბაიერნის გულშემატკივრებო,

დამძიმებული გულით ვაცხადებ, რომ კლუბიდან წასვლის გადააწყვეტილება მივიღე - ახალი გამოწვევების დროა.

მინდა მადლობა გადაგიხადოთ ურყევი მხარდაჭერისთვის ჩემი აქ ყოფნის პერიოდში. თქვენთან გაზიარებული მომენტები სამუდამოდ დარჩება ჩემს მეხსიერებაში, ისევე როგორც მოგებული თასები, გასნაკუთრებით კი ჩემპიონთა ლიგა, რომლის მოგებაზეც ყოველთვის ვოცნებობდი.

მსურს გულწრფელი მადლობა გადავუხადო ჩემს თანაგუნდელებს, სამწვრთნელო გუნდს და მთელს შტაბს მხარდაჭერისთვის. 

ამ კლუბმა გამზარდა როგორც ფეხბურთელი და როგორც პიროვნება - ვამაყობ რომ მსოფლიოში ერთ-ერთი ყველაზე პრესტიჟული გუნდის მაისურს ვატარებდი.

და ბოლოს, გთხოვთ, რომ პატივი სცეთ ჩემს გადაწყვეტილებას, მიუხედავად იმისა, რომ თქვენთან განშორება რთულია.

კეთილი სურვილებით, ლუკას ერნანდესი."