"პირველ რიგში, ეს არის ჩემი მიზანი" - კიმ მინ ჯეს კომენტარი ბაიერნში ტრანსფერის შემდეგ

მოგეხსენებათ, მიუნხენის ბაიერნმა აწ უკვე ნაპოლის ყოფილი ფეხბურთელი, კიმ მინ ჯე ოფიციალურად დაიმატა და მასთან 5-წლიანი კონტრაქტი გააფორმა.

ბაიერნში ტრანსფერის შემდეგ, სამხრეთ კორეელმა მცველმა მედიასთან პირველი კომენტარიც გააკეთა:

"კლუბთან მოლაპარაკებების დროს, თავიდანვე ცხადი იყო ჩემთვის, თუ რამდენად დიდი იყო დაინტერესება ჩემდამი - უპირველეს ყოვლისა, ჩემი მიზანი ბევრი თამაშის ჩატარებაა, გარდა ამისა, იმდენი ტიტულის მოგება მსურს, რამდენიც შესაძლებელია.

ბაიერნში თამაში ყველა ფეხბურთელის ოცნებაა. მოუთმენლად ველოდები ყველაფერს, რაც მიუნხენში მელოდება. ჩემთვის ეს ახალი ეტაპის დასაწყისია და განვითარებას აქ გავაგრძელებ", - აღნიშნა 26 წლის მცველმა.