"დიდი პატივი იქნებოდა, მაგრამ ამ მიზეზის გამო არ შემიძლია" - კლოპი გერმანიის ნაკრების მწვრთნელობაზე

ლივერპულის მთავარმა მწვრთნელმა იურგენ კლოპმა ჟურნალისტებთან საუბრისას გერმანიის ნაკრების მწვრთნელობის შესაძლებლობაზე ისაუბრა და აღნიშნა, რომ ეს ყველასთვის დიდი პრივილეგია იქნებოდა, თუმცა ამ ეტაპზე ლივერპულის დატოვება არ შეუძლია.

"ნაკრებში მუშაობა დიდი პატივი იქნებოდა, ამაში ეჭვი არ მეპარება. რაც ამ ყველაფერს ხელს უშლის და პრობლემის სახით ჩნდება, ეს ჩემი ერთგულებაა. არ შემიძლია ახლა ლივერპულის დატოვება და იმის თქმა, რომ გერმანიის ნაკრების მწვრთნელი გავხდები", - განაცხადა კლოპმა.

ცნობისთვის, ამჟამად გერმანიის ნაკრების მთავარი მწვრთნელი ჰანს ფლიკია, რომლის შედეგებითაც გულშემატკივრები იმედგაცრუებული არიან.