"თუ ტრანსფერი შედგება, მამარდაშვილი რთული თვეებისთვის მზად უნდა იყოს" - გერმანული გამოცემა

გერმანული გამოცემა SPOX გიორგი მამარდაშვილის ბაიერნში შესაძლო ტრანსფერს ეხმაურება და ტომას ტუხელის გუნდს, ქართველი მეკარის შეძენას ურჩევს, თავის მხრივ, გამოცემა ახალგაზრდა ფეხბურთელსაც აფრთხილებს, რომ რთული პერიოდისთის მზად იყოს.

"ყველაზე საიმედო მეკარე ბაიერნის სიიდან 22 წლის გიორგი მამარდაშვილია. მან ვალენსიაში გასულ სეზონში ბრწყინვალედ იასაპრეზა და ტოპ ტალანტად ჩამოყალიბდა. სამომავლო პერსპექტივაში ის შეიძლება ბაიერნის პირველი მეკარე გახდეს, მაგრამ თუ ნოიერი ფორმაში შესვლას მალე მოახერხებს, მაშინ ქართველ ახალგაზრდას ნუბელის მსგავსად სათადარიგოზე ყოფნა მოუწევს და მიუნხენში ტრანსფერის შემთხვევაში რთული თვეებისთვის უნდა მოემზადოს.

მთავარი კითხვაა: აწყობს კი მამარდაშვილს მსგავსი სიტუაცია? მას შეუძლია ვალენსიაში დარჩეს და განვითარება გააგრძელოს, ხოლო ბაიერნში ნოიერის წასვლის შემდეგ გადავიდეს - გერმანელ მეკარეს რეკორდმაისტერთან კონტრაქტი 1 წლის შემდეგ ეწურება", - წერს გამოცემა.