ბაიერნის პასუხი ლივერპულს რაიან გრავენბერხის ტრანსფერის თაობაზე

მოგეხსენებათ, ბაიერნში ტრანსფერის შემდეგ, გერმანული გუნდის ნიდერლანდელი ნახევარმცველი რაიან გრავენბერხი გუნდში საკუთარი სათამაშო დროით უკმაყოფილოა - მედიაში არაერთხელ დაიწერა, რომ ახალგაზრდა ფეხბურთელი მომავალზე ფიქრობს და თუ ბაიერნისგან გარკვეული სახის გარანტიებს ვერ მიიღებს, კლუბის შეცვლაზე იფიქრებს.

თავის მხრივ, იწერება, რომ ლივერპული დაინტერესებულია 21 წლის ფეხბურთელის დამატებით, ინგლისური კლუბის მთავარი მწვრთნელი, იურგენ კლოპი გრავენბერხის ნიჭით მოხიბლულია და მისი საკუთარ გუნდში ხილვა სურს.

გერმანული გამოცემების მტკიცებით, ბაიერნს ამ ზაფხულს გრანვებერხის გაყიდვა არ სურს და შუახაზელის შენარჩუნებას გეგმავს, შესაბამისად, ლივერპულში ტრანსფერი ნაკლებად სავარაუდოა.