მოგეხსენებათ, მიუნხენის ბაიერნი მანჩესტერ სიტის ინგლისელი მცველის, კაი უოკერის ტრანსფერით მთელი ზაფხულის განმავლობაში აქტიურად იყო დაინტერესებული, თუმცა ბოლო დღეებში მოლაპარაკებები თითქოს გაიყინა და შესაძლო ტრანსფერთან დაკავშირებით სიახლეები არ ყოფილა.
ადგილობრივ მედიაში გავრცელებული ინფორმაციის თანახმად, პეპ გვარდიოლა კაი უოკერის გაშვებაზე უარს ამბობს და დანებებას არ აპირებს, ამის ფონზე კი ტომას ტუხელს 33 წლის მცველის შეძენა გადაწყვეტილად სურს - საბოლოო შეთანხმება ვერ ხერხდება, რადგან ბაიერნი მთლიანად ჰარი კეინის ტრანსფერზეა გადართული და თუ ტოტენჰემთან ტრანსფერს შეათანხმებენ, მაშინვე უოკერის დამატებაზე გადაერთვებიან.
შეგახსენებთ, რომ გერმანულ მედიაში გავრცელებული ინფორმაციის თანახმად, უოკერმა ბაიერნთან პირადი კონტრაქტი შეათანხმა და კარიერის გერმანიაში გაგრძელების წინააღმდეგი არ არის, ბოლო სიტყვა კი გვარდიოლას გუნდზეა.