"კლუბთან და კეინთანაც მუდმივი კონტაქტი მაქვს" - ტოტენჰემის მწვრთნელი ბაიერნში შესაძლო ტრანსფერზე

ტოტენჰემის მთავარმა მწვრთნელმა ანგე პოსტეჩოღლუ მედიასთან ჰარი კეინის ირგვლი არსებულ სიტუაციაზე ისაუბრა.

"ჰარი კეინთან და კლუბთან რეგულარულად მაქვს ღია დიალოგი - მათ ვუთხარი, რომ თუ სიტუაცია რადიკალურად შეიცვლებოდა ჩემთვის შეეტყობინებინათ. არ მჭირდება საბოლოო გადაწყვეტილების მიღებამდე ყველა დეტალის ცნობა, უბრალოდ მინდა გავუმკლავდე იმ ყველაფერს, რაც ჩემს წინ იქნება, რადგან ყველაფრის მიუხედავად აქ გუნდს ვაშენებთ.

განვითარების გასაგრძელებლად გადაწყვეტილებას ვერ დაველოდები, რადგან ამის დრო და ფუფუნება არ მაქვს", - განაცხადა პოსტეჩოღლუმ.

შეგახსენებთ, რომ ჰარი კეინი მიუნხენის ბაიერნის მთავარი სატრანსფერო სამიზნეა.