გერმანიის სუპერ თასის ფინალურ ეტაპზე მიუნხენის ბაიერნმა საკუთარ მოედანზე ლაიპცგის უმასპინძლა და 0:3 დამარცხდა.
აღნიშნულ შეხვედრაში ჰარი კეინმაც მიიღო მონაწილეობა, რომელზეც ბაიერნის და გერმანიის ნაკრების შუახაზელმა, იოზუა კიმიხმა ისაუბრა:
"კეინს გუშინ 3-4 საათამდე მოუწია ფხიზლად ყოფნა, შემდეგი მატჩებისთვის უფრო გამოძინებული იქნება დარწმუნებული ვარ, ძალიან დაგვეხმარება. მისგან ბევრ გოლს ველით, რადგან კეინი უკვე შემდგარი ფეხბურთელია.
ჰარის წინააღმდეგ ბევრჯერ მითამაშია და ეს ყოველთვის სასიამოვნო არ ყოფილა, მან რამდენიმჯერმე გაიტანა ჩვენ წინააღმდეგ, ამიტომ, იმედი მაქვს, რომ ახლა რამდენიმე გამარჯვების გოლს ჩვენთვისაც გაიტანს", - განაცხადა კიმიხმა.