მეკარე პრემიერ ლიგიდან - თავად ფეხბურთელი ბაიერნში ტრანსფერზე თანახმაა, ინგლისურ კლუბს კი მისი შენარჩუნება სურს

მანჩესტერ სიტის კარის დარაჯი სტეფან ორტეგა მეკარის პოზიციაზე ახლა ბაიერნის მთავარი სატრანსფერო სამიზნეა.

30 წლის მეკარე ინგლისურ კლუბში მეორე ნომრად, ედერსონის შემცვლელად თამაშობს, მიუხედავად ამისა, პეპ გვარდიოლას ფეხბურთელის შენარჩუნება და მასთან ახალი კონტრაქტის გაფორმება სურს.

გერმანული გამოცემების მტკიცებით, ადგილობრივ მეკარეს სამშობლოში დაბრუნება და კარიერის ბაიერნში გაგრძელება სურს, რადგან, მინიმუმ ნოიერის დაბრუნებამდე, ის გუნდის მთავარი მეკარე იქნება - განსხვავებით მანჩესტერ სიტისგან.

სატრანსფერო თანხა უცნობია, ისე კი Transfermarkt-ს ორტეგა 9 მილიონ ევროდ ჰყავს შეფასებული.