"მსგავსი საქციელი ყოვლად მიუღებელია!" - კეინმა მატის ტელი დაიცვა და შეაქო

მიუნხენის ბაიერნის ინგლისელმა ფორვარდმა Sky Sports-ის და კლუბის ინსაიდერის, ფლორიან პლეტენბერგის კითხვებს უპასუხა - საუბრის მიმდინარეობისას, პლეტენბერგი მატის ტელის საკითხსაც შეეხო.

ჟურნალისტი: მატის ტელს რასობრივი შეურაცხყოფა მიაყენეს ლაიპცგითან მატჩის შემდეგ - გქონდათ თუ არა ამ თემაზე მასთან საუბარი და როგორ შეიძლება მსგავსი თავდასხმების თავიდან აცილება სამომავლოდ?

კეინი: რაც მოხდა, მიუღებელია. მატისი მხოლოდ 18 წლისაა და ლაიპციგის წინააღმდეგ მატჩში აჩვენა, რომ წინ დიდი მომავალი აქვს. ის გამორჩეული ნიჭის მატარებელი ფეხბურთელია - სოციალურ ქსელებში მსგავსი სიძულვის შინაარსის მქონე კომენტარების ნახვა აუტანელია. ყველანი მატისის გვერდით ვდგავართ მეც და გუნდი მზად ვიქნებით, თუ მას ამ თემაზე საუბარი მოუნდება.

კიდევ ერთხელ ავღნიშნავ, რომ ეს მიუღებელია! იმედია კლუბთან და ჩემპიონატის ორგანიზატორებთან თანამშრომლობით, სამომავლო მსგავსი შემთხვევების პრევენციას შევძლებთ.