ინტერის პირველი შეთავაზება ბაიერნს, რომელიც დაიბლოკა - იტალიელები გაუმჯობესებულ წინადადებას ამზადებენ

იტალიურმა ინტერმა ცოტა ხნის წინ მიუნხენის ბაიერნის მცველის, ბენჟამინ პავარის შეძენა სცადა, მაგრამ გერმანული გამოცემა Bild-ის ინფორმაციით, ტომას ტუხელის გუნდმა ინტერის შეთავაზება დაბლოკა.

საუბარი იყო 25 მილიონიან შეთავაზებაზე - როგორც იწერება, ბაიერნს ფრანგი მცველის სანაცვლოდ მინიმუმ 45-50 მილიონი ევროს მიღება სურს.

თავად პავარს კი კლუბის დატოვება სურს და ამის შესახებ ბაიერნის ხელმძღვანელობას უკვე აცნობა. მოსალოდნელია, რომ ინტერი უახლოეს პერიოდში მეორე, გაუმჯობესებულ წინადადებას წარუდგენს ბაიერნს.

გარდა ინტერისა, პავარის მიმართ აქტიურ ინტერესს მანჩესტერ იუნაიტედიც გამოხატავს, თუმცა, ინგლისურ კლუბს კონკრეტული წინადადებით ბაიერნისთვის ამ მომენტამდე არ მიუმართავს.