"ნება მიეცით თავისი საქმე მშვიდად შეასრულოს, დარწმუნებული ვარ, რომ..." - ლევანდოვსკი კეინის ტრანსფერზე

მიუნხენის ბაიერნის ყოფილმა და ამჟამად ბარსელონას ფორვარდმა, რობერტ ლევანდოვსკიმ ცოტა ხნის წინ გერმანულ გრანდში ჰარი კეინის ტრანსფერზე ისაუბრა:

"ეს ბაიერნისთვის და ზოგადად მთელი ბუნდესლიგისთვის დიდი ტრანსფერია - კეინი ბრწყინვალე თავდამსხმელია.

მინდა ავღნიშნო, რომ ბუნდესლიგა ადვილად სათამაშო ჩემპიონატი ნმადვილად არ არის, ამიტომ კეინს ცოტა დრო სჭირდება, რომ უკეთ გაეცნოს ახალ კულტურას, ენას და ზოგადად ყველაფერს.

დარწმუნებული ვარ, რომ ჰარი აუცილებლად აჩვენებს თავის შესაძლებლობებს. უბრალოდ ნება უნდა მისცეთ, რომ მშვიდად შეასრულოს თავისი საქმე და ყოველთვის, ჩემს რეკორდზე არ უნდა ესაუბროთ", - განაცხადა ლევნადოვსკიმ.