ბაიერნმა გრავენბერხს წასვლაზე მწვანე შუქი აუნთო - რომელი კლუბია მთავარი ფავორიტი?

გერმანული გამოცემების მტკიცებით, ბაიერნში არ სჯერათ, რომ კონრად ლაიმერის ტრანსფერის შემდეგ, გუნდში რაიან გრავენბერხის ყოფნის მწვავე საჭიროება არსებობს.

სწორედ ამიტომ, ვარაუდობენ, რომ ზაფხულის სატრანსფერო ფანჯრის დახურვამდე, გერმანული კლუბი გრავენბერხს სხვაგან წასვლის შესაძლებლობას მისცემს და მის სანაცვლოდ გარკვეულ თანხასაც მიიღებს.

თავად ფეხბურთელს მიუნხენსი დატოვება სურს, რადგან კლუბში გარანტირებულ სათამაშო წუთებს ვერ იღებს და კარიერის გაგრძელება პრემიერ ლიგაში სურს - თავის მხრივ, გრავენბერხის დამატება ლივერპულს კარგა ხანია სურს და შესაძლო ტრანსფერის განხორციელებაშიც ფავორიტად ისინი ითვლებიან.