"აუგსბურგი უსიამოვნო და არაორდინალურ ფეხბურთს თამაშობს", - გორეცკამ მოგებული მატჩი შეაფასა

ბუნდესლიგის მე-2 ტურის შეხვედრაში მიუნხენის ბაიერნმა საკუთარ მოედანზე აუგსბურგს უმასპინძლა და მეტოქე 3:1 დაამარცხა.

ანგარიში ფელიქს უდუოხაის ავტოგოლით გაიხსნა, რასაც შემდგომში ჰარი კეინის დუბლი მოყვა - შეხვედრის საბოლოო ანგარიში კი დიონ ბელიომ დააფიქსირა.

შეხვედრის დასრულების შემდეგ, ჟურნალისტებთან აღნიშნული მატჩი ლეონ გორეცკამ შეაფასა:

"ვიცოდით, რომ დღეს იოლი მატჩი არ გველოდა - აუგსბურგი "უსიამოვნო" და არაორდინალურ ფეხბურთს თამაშობს. პირველივე ტაიმიდან ცხადი იყო, რომ გამარჯვება რთული იქნებოდა.

რა თქმა უნდა თამაშის ეს კონკრეტული პერიოდი მაყურებლისთვის არც ისე სასიამოვნო იქნებოდა, მაგრამ ჩვენ მომთმენები ვიყავით და საბოლოოდ ამის გამო ჯილდოც მივიღეთ - გამარჯვება", - განაცხადა გორეცკამ.