ბუნდესლიგის მე-4 ტურის შეხვედრაში მიუნხენის ბაიერნმა საკუთარ მოედანზე ლევერკუზენს უმასპინძლა და ფრედ 2:2 ითამაშა.
მატჩის 61-ე წუთზე ტომას ტუხელმა მოულოდნელად იოზუა კიმიხი შეცვალა და მის მაგივრად მოედანზე მაზრაუი შემოიყვანა - მოედნიდან გასვლისას, კიმიხის სახეზე აშკარად იგრძნობოდა, რომ მწვრთნელის გადაწყვეტილებით უკმაყოფილო დარჩა.
მოგვიანებით, საკუთარი გადაწყვეტილება თავად ტუხელმა განმარტა და ყველაფერი თავის ადგილზე დადგა, როგორც გაირკვა, კიმიხს ჯანმრთელობის მხრივ მცირე პრობლემები ჰქონდა და მთავარ მწვრთნელსაც არ სურდა გაერისკა.
"იოზუას მყესის ანთება ჰქონდა და არ მინდოდა მცირედით მაინც გამერისკა.
სამედიცინო ჯგუფმა ნათლად თქვა, რომ მას მხოლოდ 60 წუთის თამაში შეეძლო და სწორედ ეს არის მიზეზი, რატომაც შევცვალე ერთი საათის შემდეგ", - განაცხადა ტუხელმა.