გუშინ, ჩემპიონთა ლიგის ჯგუფური ეტაპის პირველი ტურის მატჩში მიუნხენის ბაიერნმა საკუთარ მოედანზე მანჩესტერ იუნაიტედს უმასპინძლა და მეტოქე 4:3 დაამარცხა.
შეხვედრის 82-ე წუთზე დაიო უპამეკანომ და ლეონ გორეცკამ ერთამნეთს ყვირილი დაუწყეს და რაღაცაზე იკამათეს - ადგილობრივი გამოცემების მტკიცებით, უკმაყოფილება პირველი უპამეკანომ გამოთქვა, რომელმაც თანაგუნდელს უსაყვედურა, რომ პასი დროულად არ მისცა - გორეცკამაც ფრანგ მცველს ყვირილით უპასუხა და კიმიხზე გაკეთებული სარისკო გადაცემის გამო გააკრიტიკა.
მატჩის შემდეგ, ჟურნალისტებმა ფეხბურთელებთან ინტერვიუს ჩაწერა მალევე სცადეს, თუმცა ორივე მათგანმა მედია კომენტარის გარეშე დატოვეს - გორეცკა სტადიონის გვერდითა გასასვლელიდან გავიდა, არც უპამეკანოს უთქვამს რამე ამ ფაქტთან დაკავშირებით.
მიუხედავად ამისა, საგანგაშო არაფერია. მსგავსი მომენტები ფეხურთში მატჩის მიმდინარეობისას ხშირია და გერმანული მედიის ინფორმაცით, ფეხბურთელებს შორის არანაირი კონფლიქტი არ არსებობს.