"გაბრაზებული ვარ იმით, თუ როგორ გავუშვით გოლები" - კიმიხი მატჩით უკმაყოფილოა

ბუნდესლიგის მე-6 ტურის შეხვედრაში, მიუნხენის ბაიერნი სტუმრად ლაიპციგს დაუპირისპირდა და ფრედ, 2:2 ეთამაშა.

შეხვედრის დასრულების შემდეგ, ჟურნალსტებთან აღნიშნული მატჩი ჯოშუა კიმიხმა შეაფასა.

"გაბრაზებული ვარ იმით, თუ როგორ გავუშვით გოლები - მაგალითად კუთხურის შემდეგ, რომელიც არ იყო კუთხური.

პირველ ტაიმში თამაშში ვერ დავბრუნდით, მეორე ტაიმში ჩვენ ვაჩვენეთ, რომ გვინდოდა სიტუაციის შემობრუნება.

ძალიან მნიშვნელოვანი იყო, რომ ასეთი რეაქცია გამოვავლინეთ საბოლოოდ. ჩვენ გვქონდა თამაშის მოგების შანსი ჩუპო-ს მეშვეობით.

მაგრამ შემდეგ ულემ კარგი სეივი გააკეთა შეშკოს წინააღმდეგ. ვფიქრობ, ფრე იყო. სამართლიანი შედეგი" - ამბობს კიმიხი