მიზეზი, რაც ბოატენგის ბაიერნში დაბრუნებას ართულებს

მოგეხსენებათ, მიუნხენის ბაიერნი ყოფილი მცველის, ჟერომ ბოატენგის დაბრუნებაზე მუშაობს.

მიუხედავად იმისა, რომ 35 წლის ფეხბურთელმა გუნდთან ერთად უკვე რამდენიმე ვარჯიში გამართა, ტრანსფერი კვლავ არ ოფიციალურდება და პროცესი იწელება, რის მიზეზებზეც გერმანული მედია წერს.

ადგილობრივი პრესის მტკიცებით, ამის მიზეზი ბოატენგის წარსულია - გერმანელი ორიოდე წლის წინ, ყოფილი შეყვარებულის, შერინ ზენლერზე ფიზიკურ ძალადობაში დამნაშავედ სცნეს და 1,8 მილიონი ევროს ჯარიმის გადახდა დააკისრეს.

საინტერესოა ისიც, რომ მსგავს სკანდალში ბოატენგი 2021 წლის თებერვალშიც გაეხვა, როდესაც მასთან დაშორებიდან რამდენიმე დღეში, მისმა ყოფილმა შეყვარებულმა კასია ლენჰარდმა თავი მოიკლა.

ბაიერნში ზოგს მიაჩნია, რომ ბოატენგის დამატება კლუბის იმიჯს დააზარალებს, ზოგიც კი მისი დაბრუნების წინააღმდეგი არ არიან.