მანუელ ნოიერისა და სვენ ულრაიხის კომენტარი კონტრაქტის გახანგრძლივების შემდეგ

მოგეხსენებათ, მიუნხენის ბაიერნის მეკარეების მანუელ ნოიერის და სვენ ულრაიხის კონტრაქტი 2025 წლამდე გახანგრძლივდა.

ულრაიხის კომენტარი:
"როდესაც 2015 წელს შტუტგარტიდან "ბაიერნში" ჩავედი, არასდროს მიფიქრია, რომ აქ ამდენ ხანს დავრჩებოდი. ახლა გავახანგრძლივე ის 2025 წლამდე და გავაგრძელებ ჩემს ნაწილს ჩვენი მიზნების მისაღწევად.

 მოუთმენლად ველი. ვაგრძელებ მუშაობას მანუელთან ასევე დანიელ პერეცთან და ჩვენი მეკარეების მწვრთნელთან მაიკლ რეხნერთან. მანუელთან ბევრად მეტი საერთო მაქვს, ვიდრე უბრალოდ ფეხბურთის გატაცება. ჩვენ მეგობრები ვართ." - ამბობს ულრაიხი.

მანუელ ნოიერის კომენტარი:
"მოხარული ვარ, რომ "ბაიერნში" კიდევ ერთი წელი დავრჩები. ხანგრძლივი ტრავმის შემდეგ ისევ დავბრუნდი. ძალიან მსიამოვნებს ამ გუნდთან ერთად მოედანზე ყოფნა. დარწმუნებული ვარ, რომ გულშემატკივრებთან ერთად ჩვენ შეგვიძლია მივაღწიოთ ჩვენს დიდ მიზნებს მომდევნო რამდენიმე წლის განმავლობაში.

რა თქმა უნდა, ეს მოიცავს ჩემპიონთა ლიგის ფინალს მიუნხენში 2025 წელს. იმის ცოდნა, რომ სვენი ჩემს გვერდით იქნება, ყველაფერს უკეთესს ხდის." - ამბობს ნოიერი.