მოლაპარაკებები "რეალსა" და "ბაიერნს" შორის უახლოეს კვირებში გაგრძელდება

ალფონსო დეივისი ჯერ კიდევ მთავარი სატრანსფერო სამიზნეა მადრიდის "რეალისთვის" ამ ზაფხულს. კანადელი მცველი, რომელმაც ახლახანს დაასრულა კოპა ამერიკაზე გამოსვლები ერთ-ერთი საუკეთესო იყო თამაშებში.

მოლაპარაკებები მადრიდის "რეალსა" და მიუნხენის "ბაიერნს" შორის, რომელიც შეჩერებული იყო კოპა ამერიკის გამო, უახლოეს კვირებში გაგრძელდება.

ნებისმიერ შემთხვევაში, "ლოს ბლანკოსები" შეეცდებიან მალე დაასრულონ გარიგება და მიიღონ საბოლოო გადაწყვეტილება.

დეივისი "რეკორდმაისტერს" 2019 წელს შეუერთდა და 195 მატჩი ჩაატარა, ხოლო მისი კონტრაქტი 2025 წელს იწურება და სატრანსფერო ღირებულება 50 მილიონი ევროა.