ფაბრიციო რომანო: "რეალი და მანჩესტერი დეივისს არ თმობენ"

ტრანსფერების ექსპერტმა, ფაბრიციო რომანომ გააკეთა განცხადება, რომელშიც დეტალურადაა აღწერილი მისი ინფორმაცია დევისის სიტუაციის შესახებ.

"ჩემი ინფორმაციით, ალფონსო დეივისს არაფერი გადაუწყვეტია. სიტუაცია აბსოლუტურად ღია რჩება. ასევე ვიცი, რომ ამ დროისთვის კანადელი არაფერს აწერს ხელს შობამდე ან წლის ბოლომდე. უნდა გავითვალისწინოთ ყველა შესაძლებლობა. "ბაიერნი" ფეხბურთელის ხელმძღვანელობასთან კონტაქტზეა და კონტრაქტის გახანგრძლივებას ცდილობს, მაგრამ ასევე არის მადრიდის "რეალი" და მანჩესტერ "იუნაიტედი". არაფერია გამორიცხული."

ჭორები მიუნხენის "ბაიერნსა" და დეივისის ბანაკს შორის დაძაბული ურთიერთობის შესახებ გადაჭარბებული იყო.

გუნდისა და ფეხბურთელის წარმომადგენლებს შორის არანაირი პრობლემა არ ყოფილა. ორივე მხარეს კარგი ურთიერთობა აქვს და ერთმანეთს აქტიურად ეკონტაქტებიან.